asyā lakṣaṇaṁ yathā tatraiva— navīna-saṅgamākārya-stavāvajñādinā kṛtā |
adhṛṣṭatā bhaved vrīḍā tatra maunaṁ vicintanam |
avaguṇṭhana-bhū-lekhau tathādho-mukhatādayaḥ ||
[bha.ra.si. 2.4.113] iti |
sā navīna-saṅgamena yatheti |
gṛhād abhisṛtya śrī-kṛṣṇālaṅkṛta-krīḍā-kuñjam āsādyāpi lajjayā nata-mukhatayā tatra praveśam anicchantyāḥ śrī-rādhāyāḥ tad-anu nānā-cāṭu-vākyaiḥ kṛṣṇenaiva praveśitāyās tasyā śobhā-viśeṣaṁ śrī-kṛṣṇaḥ svayam eva subalaṁ prati prāha |
ayaṁ mad-vidhaḥ anuvartī adhīnaḥ vyarucat samaśobhata |
nikuñjasya śrīr mūrtimatī lakṣmīr iva |
pūrva-rasāmṛte’pi (2.4.114) yathā— govinde svayam akaroḥ saroja-netre premāndhā vara-vapur arpaṇaṁ sakhi |
kārpaṇyaṁ na kuru darāvaloka-dāne vikrīte kariṇi kim aṅkuśe vivādaḥ ||