vipralabdhāyā rādhāyā viraha-pīḍāṁ vyañjayantī vṛndā śrī-kṛṣṇaṁ praty āha—gṛhītam api tāmbūlaṁ na smarati haste asti vā nāstīti nānusandhatte |
parijanānāṁ vacobhir ity anena tatra svataḥ spṛhābhāvaḥ sūcitaḥ |
tatrāpi bahu-vacanena sa-śapathatva-dānayanādy-āśvāsaḥ sūcitaḥ |
phaṇi-vallyās tāmbūla-vallyāḥ kisalayaṁ patrāṇi yasya saḥ |
kramuka-phalasya guvākasya phālī khaṇḍaṁ tayā parimitam āsyaṁ ca tathaivāsta iti |
prathamaṁ tāmbūla-veṣṭitā guvāka-phālyo mukhe yāḥ parijanair arpitās tā na carvayati sma |
tataś ca khadira-cūrṇailā-lavaṅgādi-yuktā parṇa-vīṭikā haste’rpitā yās tā mukhe nārpayati smeti |
niśāyāṁ gatāyām apīti prahara-traya-vyāpinī jaḍatā ||