śrī-kṛṣṇa-saṅgama-lālasayā sūryārādhana-miṣeṇa vṛndāvanam āgatāṁ śrī-rādhāṁ tatra kṛṣṇa-darśanānandaja-kampa-vivaśāṅgīm apy avahitthayā bhaya-hetuko’yaṁ mama kampa iti vyañjayantīṁ tāṁ lalitā āśvāsayati |
kiṁ katham ātto gṛhīta-kampo yayā sā |
parihara apanaya ātaṅkaṁ śaṅkām |
pūrva-rasāmṛte ca, yathā— vihasasi kathaṁ hatāśe paśya bhayenādya kampamānāsmi |
cañcalam upasīdantaṁ nivāraya vraja-pates tanayam ||
[bha.ra.si. 2.3.46] iti |
gītāvalau (34) ca— kim ayaṁ racayati nayana-taraṅgam |
kairavinī na hi bhajati pataṅgam ||
vāraya mādhavam udyad-anaṅgam |
spṛśati yathāyaṁ na sakhi mad-aṅgam ||
kampikarān mama patati lavaṅgam |
tvam api tathāpi na muñcasi raṅgam ||
kam api sanātana-dharmam abhaṅgam |
na parihariṣye hṛdi kṛta-saṅgam ||