Śrīmad Bhāgavatam 1.19.27

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.27

nigūḍha-jatruṁ pṛthu-tuṅga-vakṣasam
āvarta-nābhiṁ vali-valgūdaraṁ ca |
dig-ambaraṁ vaktra-vikīrṇa-keśaṁ
pralamba-bāhuṁ svamarottamābham ||

Translation

— translation pending —

Commentary

Śrīdhara Svāmī

bhāvārtha-dīpikā

kaṇṭhasyādho-bhāgayoḥ sthite te asthinī jatruṇī |

māṁsena nigūḍhe jatruṇī yasya |

pṛthu vistīrṇaṁ tuṅgam unnataṁ ca vakṣo yasya |

āvartavan nābhir yasya |

valibhis tiryaṅ-nimna-rekhābhir valgu ramyam udaraṁ yasya |

diśa evāmbaraṁ yasya |

vakrā vikīrṇāḥ keśā yasya |

pralambau bāhū yasya |

svamareṣu śreṣṭha-deveṣu uttamo haris tadvad ābhā yasya tam ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

nigūḍhe māṁsale jatruṇī kaṇṭhasyādho-bhāgayoḥ sthite asthinī yasya tam |

svamareṣu deva-śreṣṭheṣv apy uttamaḥ śrī-kṛṣṇaḥ, tat-tulya-kāntim ||

Baladeva Vidyābhūṣaṇa

vaiṣṇavānandinī

māṁsalatvān-nigūḍhe jakruṇī kaṇṭhasyādhobhāgayoḥ sthite asthinī yasya taṁ |

pṛthu vistīrṇaṁ tuṅgaṁ ca vakṣo yasya tam |

āvarta iva nābhir yasya taṁ, valibhi-stri-sṛbhir valgu manojñam udaraṁ yasya taṁ |

svamareṣu deva-śreṣṭheṣu brahmādiṣūttamaḥ śrī-kṛṣṇas tad ābhaṁ, hṛd-vibhāta-kṛṣṇatvāt samucchalitayā tat-kāntyā labdhatat-sārūpyam ity arthaḥ ||