Śrīmad Bhāgavatam 1.19.26

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.26

taṁ dvyaṣṭa-varṣaṁ sukumāra-pāda-
karoru-bāhv-aṁsa-kapola-gātram |
cārv-āyatākṣonnasa-tulya-karṇa-
subhrv-ānanaṁ kambu-sujāta-kaṇṭham ||

Translation

— translation pending —

Commentary

Śrīdhara Svāmī

bhāvārtha-dīpikā

tam ity-ādīnāṁ pratyutthitā iti tṛtīya-ślokenānvayaḥ |

dvi-guṇāny aṣṭau varṣāṇi yasya |

sukumārau komalau pādau karāv ūrū bāhū aṁsau kapolau gātraṁ ca yasya |

cāruṇī āyate ākṣiṇī yasmin |

unnatā nāsā yasmin |

lamba-hrasvādi-vaiṣamyaṁ vinā tulyau karṇau yasmin |

śobhane ca bhruvau yasmin evaṁ-bhūtam ānanaṁ yasya |

kambuvad-rekhā-trayāṅkitaḥ suṣṭhu jātaḥ kaṇṭho yasya ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

ṣoḍaśa-varṣa-vayasam |

cāruṇī āyate akṣiṇī yasmin, unnatā nāsā yasmin |

lamba-hrasvādi-vaiṣamyaṁ vinā tulyau karṇau yasmin, śobhane bhruvau yasmin, tathā-bhūtam ānanaṁ yasya tam |

kambuḥ śaṅkhaḥ tadvad rekhā-trayāṅkitaḥ sujātaḥ kaṇṭho yasya tam ||

Baladeva Vidyābhūṣaṇa

vaiṣṇavānandinī

taṁ prati munaya utthitā iti tṛtīyena sambandhaḥ |

dviguṇitānyaṣṭau varṣāṇi yasya ṣoḍaśa-varṣavayasam ity arthaḥ |

sukumārau komalau pādau karāv ūrūbāhū aṁsau kapolau gātraṁ ca yasya taṁ |

cārūṇi āyate dīrghe akṣiṇī yasmin |

unnatā nāsā yasmin, hrasvādi-vaiṣamyaṁ vinā tulyau karṇau yasmin |

śobhane bhruvau yasmin |

tādṛśa-mānanaṁ yasya taṁ |

kambuvad rekhātrayāñcitaḥ sujātaḥ komalaḥ kaṇṭho yasya tam ||