tatra kim asyopadeśyam ity alabdhaikamatye sarva-sārajñaḥ śukaś ced āgacchet tad enam upadiśet, asmākaṁ ca tac-chravaṇena parānandaḥ syād iti tad āgatim apekṣamāṇe muni-samāje vyāsa-putro'bhavat |

janmārabhya śrī-kṛṣṇaika-niṣṭho'dhunā tyaktarājyo gṛhīta-prāyaḥ parīkṣit-tat-kathāśravaṇātiyogyo'sti taṁ mad adhītaṁ śrī-kṛṣṇa-caritāmṛtavāṣa mahā-purāṇaṁ śrāvayiṣyāmīti niścitya svayam āgamad ity arthaḥ |

anapekṣo niṣpṛhaḥ |

matāntarāṇi ca munyantarāṇāṁ tucchatvād anicchat yato nijasya sva-prabhoḥ kṛṣṇasya lābhena sadaiva sākṣāt-kāreṇa tuṣṭaḥ |

na lakṣyat liṅgam āśrama-cihnaṁ yasya saḥ, avadhūto janair avajñāto veṣo yasya saḥ ||