Śrīmad Bhāgavatam 1.19.23

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.23

samāgatāḥ sarvata eva sarve
vedā yathā mūrti-dharās tri-pṛṣṭhe |
nehātha nāmutra ca kaścanārtha
ṛte parānugraham ātma-śīlam ||

Translation

— translation pending —

Commentary

Śrīdhara Svāmī

bhāvārtha-dīpikā

trayāṇāṁ lokānāṁ pṛṣṭhe upari satya-loke vedā yathā mūrti-dharā bhavanti, tat-tulyāḥ |

jñānātiśayam uktvā kṛpālutām āha—neheti |

bhavatāṁ prayojanaṁ parānugrahaṁ vinā nāsti |

tarhi sa evārthaḥ syāt ? na, ātma-śīlaṁ sva-svabhāvam ||

Jīva Gosvāmī

krama-sandarbhaḥ

arthaḥ prārthanīyaṁ vastu |

parānugrahaś ca na vicāra-pūrvaka ity āha—ātma-śīlam iti ||

Viśvanātha Cakravartī

sārārtha-darśiṇī

trayāṇāṁ lokānām upari pṛṣṭhe satya-loke |

jñānātiśayatām uktvā kṛpālutātiśayatām āha—neheti |

parānugrahaṁ vinā |

tarhi sa evārthaḥ syāt ? na, ātma-śīlaṁ sva-svabhāvam ||

Baladeva Vidyābhūṣaṇa

vaiṣṇavānandinī

eyāṇāṁ lokānāṁ pṛṣṭhe upari satya-loke yathā vedā mūrti-dharās tathā tat-tulyā bhavantaḥ |

jñānātiśayam uktvā dayālutām āha—neheti |

tarhi parānugraha evārthaḥ syāt-tatrāha—ātma-śīlaṁ svabhāvaḥ ||