Śrīmad Bhāgavatam 1.19.22

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.22

āśrutya tad ṛṣi-gaṇa-vacaḥ parīkṣit
samaṁ madhu-cyud guru cāvyalīkam |
ābhāṣatainān abhinandya yuktān
śuśrūṣamāṇaś caritāni viṣṇoḥ ||

Translation

— translation pending —

Commentary

Śrīdhara Svāmī

bhāvārtha-dīpikā

āśrutyākarṇya |

samaṁ pakṣa-pāta-śūnyam |

madhu-cyud amṛta-srāvi |

guru gambhīrārtham |

avyalīkaṁ satyam ||

Jīva Gosvāmī

krama-sandarbhaḥ

madhucyut manohara-śabdam |

guru mahatārthena prayuktam ||

Viśvanātha Cakravartī

sārārtha-darśiṇī

samaṁ pakṣapāta-śūnyaṁ vayam āsmahe iti |

madhu-cyud amṛta-srāvi—bhāgavata-pradhāna iti |

guru gambhīrārtham |

virajaskaṁ lokam iti |

avyalīkaṁ satyaṁ lokaṁ yāsyatīti ṛṣi-gaṇa-vacaś catuṣṭayam āśrutya |

virajaskaṁ lokaṁ bhagaval-lokam eveti pūrva-ślokoktābhyāṁ bhavatsv iti bhagavat-pārśva-kāmā iti padābhyāṁ vyākhyeyam ||

Baladeva Vidyābhūṣaṇa

vaiṣṇavānandinī

samaṁ vayam iha tāvad āsmahe ity evaṁ pakṣapāta-rahitaṁ |

madhucyut bhāgavata-pradhāna ity amṛta-srāvi |

guru-virajaskaṁ lokam iti gambhīrārthakam |

avyalīkaṁ yāsyatyayam iti satyam ity evaṁ catuṣṭayam ṛṣi-gaṇa-vacaḥ āśrutya parīkṣid etān-ṛṣīnābhāṣata ||