Śrīmad Bhāgavatam 1.19.21

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.21

sarve vayaṁ tāvad ihāsmahe’tha
kalevaraṁ yāvad asau vihāya |
lokaṁ paraṁ virajaskaṁ viśokaṁ
yāsyaty ayaṁ bhāgavata-pradhānaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

parasparaṁ saṁmantryante—sarva iti |

paraṁ śreṣṭhaṁ lokam |

tatra hetuḥ—virajaskaṁ nirmāyaṁ viśokaṁ ca yāsyatīti |

kulas tatrāha—ayam iti ||

Jīva Gosvāmī

krama-sandarbhaḥ

loka-śabdena cātra nānyal lakṣyate, bhagavat-pārśva-kāmā [bhā.pu. 1.19.20] iti teṣām evokti-svārasyāt |

bhāgavata-pradhāna iti ca |

tasmād ante ced brahma-kaivalyaṁ manyate, tathāpi krama-bhagavat-prāpti-rītyā tad-anantaraṁ bhagavat-prāptis tv avaśyaṁ manyetaiva |

yathājāmilasya darśitam ||

[prīti-sandarbha 53]

Viśvanātha Cakravartī

sārārtha-darśiṇī

rājño’dhyavasāyaṁ śrutvā sveṣām apy adhyavasāyaṁ rājānaṁ śrāvayantaḥ parasparaṁ mantrayante—sarve iti ||

Baladeva Vidyābhūṣaṇa

vaiṣṇavānandinī

munayo rājño'dhyavasāyaṁ paśyantaḥ sveṣāṁ ca tat-poṣakaṁ taṁ śrāvayanto mitho mantrayante—sarve vayam iti ||