Premabase · Śrīmad Bhāgavatam · Canto 1 · Chapter 19
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.19.16
← 1.19.151.19.17 →
punaś ca bhūyād bhagavaty anante
ratiḥ prasaṅgaś ca tad-āśrayeṣu |
mahatsu yāṁ yām upayāmi sṛṣṭiṁ
maitry astu sarvatra namo dvijebhyaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
sa pratika">āśrayo yeṣāṁ teṣu prakṛṣṭaḥ saṅgo bhūyāt |
tasyāṁ tasyāṁ sṛṣṭau janmani ||
kaivalya-dīpikā : punaś ceti |
evaṁ jīvanmuktaṁ lakṣayitvā tan-māhātmyaṁ bruvāṇaḥ, tat-saṅginaḥ puruṣān stauti—punaś ca iti |
punar janmāntare tad-āśrayeṣu bhagavad-āśrayeṣu |
prakṛṣṭa-saṅgo yāṁ yāṁ sṛṣṭim upayāmi, tatra tatra mahat-saṅgo bhūyāt |
taj-janma-viśeṣaṁ prārthayan namo dvijebhyaḥ iti puraḥ-sthitān ṛṣīn rājānam api ||
[mu.pha. 19.41]
Jīva Gosvāmī
krama-sandarbhaḥ
sṛṣṭiṁ janma |
anyatra sarvatra tu maitrī aviṣamā-dṛṣṭir astu |
brāhmaṇeṣu tv ādara-viśeṣo’stv ity āha—nama iti ||
(prīti-sandarbha 44)
Viśvanātha Cakravartī
sārārtha-darśiṇī
punaś ca punar api |
yāṁ yāṁ sṛṣṭiṁ janma prāpnomi, tasyāṁ bhagavati ratiḥ |
tad-bhakteṣu prakṛṣṭaḥ saṅgaḥ |
sarva-jīveṣu maitrī iti mad-vāñchita-trayaṁ bhūyāt iti prārthya praṇamann āha—nama iti |
yad vā, brāhmaṇān ādara-jātānutāpa āha—brāhmaṇebhyo namo bhūyād iti vāñchita-catuṣṭayaṁ ca ||
Baladeva Vidyābhūṣaṇa
vaiṣṇavānandinī
punaś ca punar api yāṁ yāṁ sṛṣṭiṁ janmopayāmi, tasyāṁ tasyām anante bhagavati vatir me bhūyāt-tad āśrayeṣu mahatsu prasaṅgaś ca, sarvatra maitrī ceti trayaṁ prārthya namaskaroti nama iti ||
← 1.19.151.19.17 →