Śrīmad Bhāgavatam 1.19.15

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.15

taṁ mopayātaṁ pratiyantu viprā
gaṅgā ca devī dhṛta-cittam īśe |
dvijopasṛṣṭaḥ kuhakas takṣako vā
daśatv alaṁ gāyata viṣṇu-gāthāḥ ||

Translation

— translation pending —

Commentary

Śrīdhara Svāmī

bhāvārtha-dīpikā

tān prārthayate—tam iti dvābhyām |

taṁ mā mām upayātaṁ śaraṇāgataṁ pratiyantu jānantu |

devī devatā-rūpā gaṅgā ca pratyetu |

vā-śabdaḥ pratikriyānādare |

gāthāḥ kathāḥ ||

Jīva Gosvāmī

krama-sandarbhaḥ

pratiyantu aṅgīkurvantu |

tata eva hetor īśedhṛta-cittaṁ santaṁ māṅgaṅgā-devī cāṅgīkarotu ||

Viśvanātha Cakravartī

sārārtha-darśiṇī

tān prārthayate dvābhyām |

taṁ mā mām |

upayātaṁ śaraṇāgataṁ pratiyantu jānantu |

devī devatā-rūpā gaṅgā ca pratyetu |

vā-śabdaḥ pratikriye’nādare |

gāthāḥ kathāḥ ||

Baladeva Vidyābhūṣaṇa

vaiṣṇavānandinī

munīn prārthayate dvābhyāṁ—he viprāḥ! taṁ mām upayātaṁ śaraṇāgataṁ bhavantaḥ pratiyantu, gaṅgā-devī ca pratyetu, kuhakaḥ kapaṭa-rūpaḥ ||