Śrīmad Bhāgavatam 1.19.17

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.19.17

iti sma rājādhyavasāya-yuktaḥ
prācīna-mūleṣu kuśeṣu dhīraḥ |
udaṅ-mukho dakṣiṇa-kūla āste
samudra-patnyāḥ sva-suta-nyasta-bhāraḥ ||

Translation

— translation pending —

Commentary

Madhvācārya

bhāgavata-tātparyam

gaṅgāyām udaka eva kiñcid dakṣiṇa-bhāge prasāde tathā hi mahābhārate ||

Śrīdhara Svāmī

bhāvārtha-dīpikā

adhyavasāyo niścayaḥ |

prācīnāni prāg-agrāṇi mūlāni yeṣāṁ, teṣu prāg-agreṣu kuśeṣvāste sma |

sva-sute jamanejaye nyasto bhāro rājyaṁ yena saḥ ||

Jīva Gosvāmī

krama-sandarbhaḥ

mūlam antaḥ |

antaś cāgre’pi |

tasmāl lakṣaṇayā prāg-agreṣv ity evaṁ vyākhyātam ||

Viśvanātha Cakravartī

sārārtha-darśiṇī

samudra-patnyā gaṅgāyāḥ ||

Baladeva Vidyābhūṣaṇa

vaiṣṇavānandinī

ity evam adhyavasāyena yukto rājā samudra-patnyāḥ śrī-gaṅgāyāḥ, svasute janamejaye nyasto rājya-bhāro yena saḥ āste sma ||