Śrīmad Bhāgavatam 1.19.7

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.7

iti vyavacchidya sa pāṇḍaveyaḥ
prāyopaveśaṁ prati viṣṇu-padyām|
dadhau mukundāṅghrim ananya-bhāvo
muni-vrato mukta-samasta-saṅgaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

ity evaṁ viṣṇu-padyāṁ gaṅgāyāṁ prāyopaveśaṁ prati vyavacchidya niścitya |

pāṇḍaveya iti tat-kulaucityaṁ darśayati |

nāsty anyasmin bhāvo yasya saḥ |

kutaḥ ? muni-vrata upaśāntaḥ |

tat kutaḥ ? muktaḥ samasta-saṅgo yena saḥ ||

Jīva Gosvāmī

krama-sandarbhaḥ

kīdṛśaḥ san dadhyau ? tatrāha—mukteti ananyeti ca ||

Viśvanātha Cakravartī

sārārtha-darśiṇī

vyavacchidya niścitya prāyopaveśaṁ prati lakṣīkṛtyety arthaḥ |

na anyasmin karma-jñāna-devatāntare bhāvo yasya saḥ ||

Baladeva Vidyābhūṣaṇa

vaiṣṇavānandinī

vyavacchidya vinirdhārghya prāyopaveśaṁ prati lakṣīkṛty ety arthaḥ |

ananya-bhāvaḥ kṛṣṇaikaniṣṭhaḥ ||