Premabase · Śrīmad Bhāgavatam · Canto 1 · Chapter 19
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.19.8-10
← 1.19.71.19.11 →
tatropajagmur bhuvanaṁ punānā
mahānubhāvā munayaḥ sa-śiṣyāḥ |
prāyeṇa tīrthābhigamāpadeśaiḥ
svayaṁ hi tīrthāni punanti santaḥ ||
atrir vasiṣṭhaś cyavanaḥ śaradvān
ariṣṭanemir bhṛgur aṅgirāś ca |
parāśaro gādhi-suto’tha rāma
utathya indrapramadedhmavāhau ||
medhātithir devala ārṣṭiṣeṇo
bhāradvājo gautamaḥ pippalādaḥ |
maitreya aurvaḥ kavaṣaḥ kumbhayonir
dvaipāyano bhagavān nāradaś ca ||
Translation
— translation pending —
Commentary
Śrīdhara Svāmī
bhāvārtha-dīpikā
tatra tadā tad-darśanārthaṁ munaya upāgatā na tu tīrtha-snānārtham |
kṛtārtha-tvāt |
nanu tādṛśānām api tīrtha-yātrā dṛśyate tatrāha—prāyeṇeti |
tīrtha-yātrā-vyājaiḥ ||
8-10||
Jīva Gosvāmī
krama-sandarbhaḥ
tatreti sākṣāc chrī-bhagavat-pāda-sambandhīni gaṅgādīni vineti jñeyam |
teṣū teṣām api paramādarāt |
kiṁ vā, utprekṣā-mātram idam, na tu teṣām apy abhiprāyaḥ |
tām evāha—prāyeṇeti ||
8-10||
Viśvanātha Cakravartī
sārārtha-darśiṇī
tatra tadā tad-darśanārthaṁ munaya āgatāḥ, na tu tīrtha-snānārthaṁ kṛtārthatvāt |
nanu, tādṛśānām api tīrtha-yātrā dṛśyate ? tatrāha—prāyeṇeti |
tīrtha-yātrā-vyājaiḥ |
tena tīrthebhyo’pi parīkṣito darśanaṁ te hy adhikaṁ gūḍhaṁ niranaiṣur iti bhāvaḥ |
akasmād udbhūta-gati-svānandaṇyathānupapattyā sarvajñatayā bhāvi vṛttāntaṁ jñātvā śrī-bhāgavatāmṛta-pānārtham iti bhāvaḥ ||
8-10||
Baladeva Vidyābhūṣaṇa
vaiṣṇavānandinī
tatra tadā tad-darśanāya munaya upa-jagmur na tu tīrtha-snānāya kṛtārthatvāt |
nanu tādṛśānām api tīrthayātrā dṛṣṭā? tatrāha—prāyeṇeti |
tīrthayātrāyā apadeśair vyājair iti |
tena parīkṣito mahā-bhāgavatasya darśanaṁ tīrthebhyo'py adhikaṁ tair antar niścitam iti bhāvaḥ |
akasmād adbhutena mahānandena bhāvi-śrī-bhāgavata-pārāyaṇam anumāya teṣām āgamanam abhūd iti bodhyam ||
gādhi-suto viśvāmitraḥ, rāmo jāmadagnyaḥ, indra-pramadaś cen-mavāhaś ca tau ||
9-10||
← 1.19.71.19.11 →