Premabase · Śrīmad Bhāgavatam · Canto 1 · Chapter 19
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.19.5
← 1.19.41.19.6 →
atho vihāyemam amuṁ ca lokaṁ
vimarśitau heyatayā purastāt|
kṛṣṇāṅghri-sevām adhimanyamāna
upāviśat prāyam amartya-nadyām ||
Translation
— translation pending —
Commentary
Śrīdhara Svāmī
bhāvārtha-dīpikā
atho anantaram ubhau lokau purastād rājya-madhya eva heyatayā vicāritau vihāya śrī-kṛṣṇāṅghri-sevām evādhimanyamānaḥ sarva-puruṣārthādikāṁ jānan prāyam anaśanaṁ tasminn ity arthaḥ |
tat-saṅkalpenopaviśad iti yāvat |
yad vā prāyaṁ prakṛṣṭam ayanaṁ śaraṇaṁ yathā bhavati tathā ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
imam āmuṁ ca lokaṁ vihāya |
kutaḥ ? purastāt śāpāt pūrvam eva heyatayā ubhau vimarśitau vicāritau |
ataḥ adhi sarva-puruṣārthādhikāṁ manyamānaḥ prāyam anaśanaṁ pratyupaviśat saṅkalpenopāviveśa ||
Baladeva Vidyābhūṣaṇa
vaiṣṇavānandinī
tadev āha—atho tad antaram eva imam amuṁ cobhau lokau purastāt śāpāt prāg eva heyatayā vimarśitau vihāya prāyam anaśanaṁ pratyupāviśat saṅkalpenopa viveśa |
amartyanadyāṁ śrī-gaṅgāyāṁ |
kīdṛśaḥ? kṛṣṇasyāṅghri-sevām evābhimanyamānaḥ sarva-pumartha-śiromaṇitvena jānan ||
← 1.19.41.19.6 →