Premabase · Śrīmad Bhāgavatam · Canto 1 · Chapter 19
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.19.4
← 1.19.31.19.5 →
sa cintayann ittham athāśṛṇod yathā
muneḥ sutokto nirṛtis takṣakākhyaḥ|
sa sādhu mene na cireṇa takṣakā-
nalaṁ prasaktasya virakti-kāraṇam ||
Translation
— translation pending —
Commentary
Śrīdhara Svāmī
bhāvārtha-dīpikā
itthaṁ cintayan sa rājā muneḥ sutenoktaḥ saptame’hani nirṛtir mṛtyur yathā bhaviṣyati tathāśṛṇot |
śamīka-preṣita-śiṣyāc chrutvā ca sa takṣakasya viṣāgniṁ sādhu mene |
yato viṣayeṣu prasaktasya virakti-kāraṇam ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
muneḥ sutenoktaḥ saptame’hani takṣakākhyo nirṛtir mṛtyur yathā bhaviṣyati tathā aśṛṇot—śamīka-preṣitāc chiṣyāt gaura-mukhāt |
yathā—bho rājan ! ajñānena bālakena dattam abhiśāpaṁ śrutvā muhur anutaptas taṁ ca santarjyāsmad-guruḥ pratīkāram apaśyan |
khidyan tvayi kāruṇya-pūrṇo māṁ prāhiṇot |
rājā jñātvā para-lokārthaṁ kim api yatatām ity etad artham |
ity uktvā gate tasmin rājā svāparādhaṁ kṣamayan tatra jigamiṣur api muner janiṣyamāṇaṁ lajjā-saṅkocādikaṁ svasya ca śāpāntān iccāṁ vicārya na jagāma |
yataḥ sa takṣakasya viyāgniṁ sādhu mene |
kīdṛśam ? viṣaye prayuktasya mama viṣakti-kāraṇam ||
Baladeva Vidyābhūṣaṇa
vaiṣṇavānandinī
sa rājā itthaṁ cintayan muneḥ sutenoktaḥ saptame 'hani takṣakākhyo nirṛtir mṛtyur yathā bhaviṣyati, tathāśṛṇot |
he rājan! matsuto bālastubhyam aśapat, sa mayā tiraskṛtaḥ, kintu tac-chāpasya durnivāratvāt-tvayā paralokopāyo vicāraṇīya iti śamīkena preṣitāc-chiṣyāt śrutavānity arthaḥ |
sva-doṣa-kṣamaṇāya muner antikaṁ jigamiṣur api tasya saṅkocaṁ śāpa-mokṣaṇañcān icchan na jagāma, kintu na cireṇa śīghratayaiva tad-viṣāgniṁ sādhu mene, yato rājye prasaktasya svasya virakti-kāraṇam iti |
yo māṁ kṛpālur brahmāstrānalād garbhe'rakṣat taṁ vismṛtya rājye saktaṁ māṁ dhig astu |
tasmāt sarvaṁ vihāya tam eva sambhāvayiṣyānīti niradhārayad ity arthaḥ ||
← 1.19.31.19.5 →