Śrīmad Bhāgavatam 1.19.3

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.19.3

adyaiva rājyaṁ balam ṛddha-kośaṁ
prakopita-brahma-kulānalo me|
dahatv abhadrasya punar na me’bhūt
pāpīyasī dhīr dvija-deva-gobhyaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

evaṁ sākṣāt svasyaiva vyasanaṁ saṁprārthya tataḥ prāg eva kiṁcit prārthayate |

adyaiva me rājyādi dahatu prakopitaṁ brahma-kulam evānalaḥ |

punar dvijādīn pīḍayituṁ dhīr me mā bhūn na bhaved ity arthaḥ ||

Jīva Gosvāmī

krama-sandarbhaḥ

adyaiveti |

dahatu me mattaḥ sakāśād dagdhavad apayātv ity arthaḥ |

rājyādāv apareṣāṁ dvijādīnāṁ sad-bhāvena tathābhipretum ayuktatvāt ||

Viśvanātha Cakravartī

sārārtha-darśiṇī

dvija-devatā duḥkhayituṁ dhīr na me abhūt na bhavet ||

Baladeva Vidyābhūṣaṇa

vaiṣṇavānandinī

vyasanaṁ sañcintya tataḥ pūrvaṁ tan-niṣkṛti prārthayate—prakopito brahma-kula-rūpo'nalo'dyaiva me rājyādīn dahatu |

abhadrasya me punaḥ pāpīyasī dhīr na bhavet dvijādīn avajñātum ||