Premabase · Śrīmad Bhāgavatam · Canto 1 · Chapter 19
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.19.2
← 1.19.11.19.3 →
dhruvaṁ tato me kṛta-deva-helanād
duratyayaṁ vyasanaṁ nāti-dīrghāt |
tad astu kāmaṁ hy agha-niṣkṛtāya me
yathā na kuryāṁ punar evam addhā ||
Translation
— translation pending —
Commentary
Śrīdhara Svāmī
bhāvārtha-dīpikā
kṛtaṁ yad deva-helanam īśvarāvajñā-pāpam ity arthaḥ |
tasmān me vyasanaṁ bhaviṣyati tat tu nātidīrghāt kālād acirād evāstu tatrāpy addhā sākṣān mamaiva na putrādi-dvāreṇeti prārthanā |
kāmam asaṅkocataḥ |
evaṁ prārthanāyāḥ prayojanam |
aghasya niṣkṛtāya prāyaścittāya |
yathā punar evaṁ na kuryām iti ||
sanātana gosvāmī (dig-darṣinī) : nātidīrghād acirād evāstu tatrāpi addhā sākṣāt na putrādi-dvāreṇety asyārthaḥ ||
(bṛ.bhā. 2.1.30)
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
addhā sākṣāt devās tu, na tu putrādi-dvāreṇa ||
Baladeva Vidyābhūṣaṇa
vaiṣṇavānandinī
yad-brāhmaṇāvajñāna-rūpaṁ karma kṛtaṁ tad eva devasya harer helanaṁ tato hetor duratyayaṁ duṣpariharaṁ vyasanaṁ duḥkhaṁ nātidīrghād adhunaiva me bhaviṣyati |
tad apy addhā sākṣād eva, na tu putrādi-dvārā, tad-vyasanaṁ me'gha-niṣkṛtāya kāmaṁ yatheṣṭam astu, yathā punar evam agham ahaṁ na kuryām ||
← 1.19.11.19.3 →