Premabase · Śrīmad Bhāgavatam · Canto 1 · Chapter 18
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.18.22
← 1.18.211.18.23 →
yatrānuraktāḥ sahasaiva dhīrā
vyapohya dehādiṣu saṅgam ūḍham |
vrajanti tat pāramahaṁsyam antyaṁ
yasminn ahiṁsopaśamaḥ sva-dharmaḥ ||
Translation
— translation pending —
Commentary
Madhvācārya
bhāgavata-tātparyam
paramahaṁsāśramaṁ prāpyaṁ satyaṁ brahma ||
Śrīdhara Svāmī
bhāvārtha-dīpikā
dhīrāḥ santaḥ |
ūḍhaṁ dhṛtam |
antyaṁ paramākāṣṭāpannam |
tad āha—yasminn ahiṁsā upaśamaś ca svābhāviko dharmaḥ ||
kaivalya-dīpikā : ko nāma iti |
purā kathānāṁ madhye |
naretaraṁ pāśum ||
[mu.pha. 8.3]
Jīva Gosvāmī
prīti-sandarbhaḥ, 75
atha [prīteḥ] prathamodayāvasthām āha—yatra iti |
antyaṁ pāramahaṁsyaṁ bhāgavata-paramahaṁsatvam |
tasyānuṣaṅgiko guṇaḥ yasminn iti ||
Jīva Gosvāmī
krama-sandarbhaḥ
tasmāt tam eva bhajed ity abhipretyāha—yatreti |
antyaṁ pāramahaṁsyaṁ bhāgavata-paramahaṁsatvam—
muktānām api siddhānāṁ nārāyaṇa-parāyaṇaḥ | sudurlabhaḥ praśāntātmā koṭiṣv api mahāmune ||
[bhā.pu. 6.14.5]
yasmin yad-artham ahiṁsayā mātsaryādi-rāhityena upaśamo bhagavan-niṣṭhā vidhīyata ity arthaḥ ||
Viśvanātha Cakravartī
sārārtha-darśiṇī
tathā dṛśyamānā manīṣiṇo’py atrārthe pramāṇam ity āha—yatreti |
ūḍhaṁ dhṛtam |
antyaṁ parama-kāṣṭhāpannam |
yasmin vrajane ||
Baladeva Vidyābhūṣaṇa
vaiṣṇavānandinī
ata eva dhīrās taṁ bhajantīty āha—yatreti |
ūḍham anādi-kāla-prāptaṁ dehādiṣu saṅgaṁ sahasā jñāna-balena vyapohya tyaktvā antyaṁ caturthaṁ, yasmin pāramahaṁsye 'hiṁsādiḥ svābhāviko dharmaḥ ||
← 1.18.211.18.23 →