Premabase · Śrīmad Bhāgavatam · Canto 1 · Chapter 18
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.18.23
← 1.18.221.18.24 →
ahaṁ hi pṛṣṭo’ryamaṇo bhavadbhir
ācakṣa ātmāvagamo’tra yāvān |
nabhaḥ patanty ātma-samaṁ patattriṇas
tathā samaṁ viṣṇu-gatiṁ vipaścitaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
evaṁ svabhāgyam abhinandya pārīkṣitopakhyānaṁ vaktum āha—ahaṁ hīti |
he aryamaṇaḥ he sūryās trayī-mūrtayaḥ, atra yāvān ātmāvagamo mama jñānaṁ tāvad ācakṣe pravakṣyāmi |
tathāhi |
yathā pakṣiṇo nabha ātma-samaṁ sva-śakty-anrūpam evotpatanti na kṛtsnam, tathā vipaścito’pi viṣṇor gatiṁ līlāṁ samaṁ svam atyanurūpam eva vadantīty arthaḥ ||
Jīva Gosvāmī
krama-sandarbhaḥ
nanv ananta-guṇasya tasya kathaṁ guṇa-gaṇane pravṛtto’si ? tatrāha—ahaṁ hīti ||
Viśvanātha Cakravartī
sārārtha-darśiṇī
evaṁ sva-bhāgyam abhinandya pārīkṣitopākhyānaṁ vaktum āha—aryamaṇaḥ! he sūryās tat-tulyās trayī-mūrtayaḥ atra yāvān ātmāvagamaḥ mama jñānaṁ tāvad ācakṣe pravakṣyāmi |
yathā pakṣiṇaḥ ātma-samaṁ sva-śakty-anurūpam eva nabha utpatanti na tu kṛtsnaṁ tathā vipaścito’pi viṣṇor gatiṁ līlāṁ samaṁ sva-maty-anurūpam eva ||
Baladeva Vidyābhūṣaṇa
vaiṣṇavānandinī
evaṁ svabhāgyaṁ saṁślāghya bhagavad aiśvaryaṁ coktvātha śaunaka-praśnasyottarañcāha—ahaṁ hīti |
he aryamaṇaḥ sūrya-tulyāḥ śaunakādayaḥ! bhavadbhir yat pṛṣṭaṁ tad aham ācakṣe—tatra yāvān-mamātmāvagamas tāvad vakṣyāmi, yathā patatriṇa ātma-samaṁ sva-śakty anurūpam eva nabha utpatanti, na tu kṛtsnaṁ, tathā vipaścitaḥ samaṁ sva-buddhy anurūpam eva viṣṇugatiṁ vadantīti ||
23-24||
← 1.18.221.18.24 →