Premabase · Śrīmad Bhāgavatam · Canto 1 · Chapter 18
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.18.20
← 1.18.191.18.21 →
etāvatālaṁ nanu sūcitena
guṇair asāmyānatiśāyanasya |
hitvetarān prārthayato vibhūtir
yasyāṅghri-reṇuṁ juṣate’nabhīpsoḥ ||
Translation
— translation pending —
Commentary
Śrīdhara Svāmī
bhāvārtha-dīpikā
etat prapañcayati tribhiḥ—etāvateti |
tasya yad asāmyam anatiśāyanaṁ ca guṇais sāmyaṁ tad-ādhikyaṁ cānyasya nāstīty asyārthasya jñānam etāvatā sūcitenaivālaṁ paryāptaṁ kas tad vistaro vaktuṁ śaknoti |
tad evāha |
itarān brahmādīn prārthayamānān hitvā vibhūtir lakṣmīr anabhīpsor api yasyāṅghri-reṇuṁ sevata iti ||
Jīva Gosvāmī
krama-sandarbhaḥ
atha tasyānanta-guṇatvaṁ darśayati—etāvateti |
asāmyaś cāsāv anatiśāyanaś ceti |
guṇair asāmyādhikyasya tasyaitāvatā vistṛtena māhātmya-sūcanenālam, na prayojanam astīty arthaḥ |
tad eva yojayati—hitveti |
vibhūtir bahiraṅga-sampatti-rūpā |
yasya svarūpa-śakty-ādibhiḥ sampannasya ||
Viśvanātha Cakravartī
sārārtha-darśiṇī
nanu ke te guṇās tatra tān vaktuṁ kaḥ samarthaḥ? kintu etāvatā sūcitenālaṁ yad-guṇair asāmyaṁ na atiśāyanaṁ yasya tasyeti |
yasya sama eva nāsti adhikaḥ kuto bhaviṣyatīty arthaḥ |
evam-bhūtasya yasyānabhīpsor api aṅghri-reṇuṁ vibhūtir lakṣmīḥ sarva-guṇa-pūrṇam anviṣyantī juṣate sevate itarān brahmādīn prārthayamānān api tyaktvā ||
Baladeva Vidyābhūṣaṇa
vaiṣṇavānandinī
harer ananta-śaktitvāt tan-nirūpaṇaṁ na ko'pi śaknuyāt kartuṁ kintvetāvatā sūcanenālaṁ paryāptaṁ, yasyān abhīpsor api guṇair ākṛṣṭā vibhūtir lakṣmīr itarān |
prārthayato'pi brahmādīn hitvāṅghri-reṇuṁ juṣate sevate |
kīdṛśasyety āha—sāmyeti |
sāmyātiśaya-śūnyasyety arthaḥ |
yasya samaḥ ko'pi nāsty adhikas tu kuta ity arthaḥ ||
← 1.18.191.18.21 →