tādṛśa-brahmarṣīn prati svayaṁ tādṛśa-mahā-purāṇam upadeṣṭuṁ saṅkucaṁs tatra tan-mahimānam evāvalambate—aho iti yugmakena |
viloma-jātā api vayam adayaiva janma-bhṛta uttama-janmāntaraṁ labdhavanta āsma, dvijatvavat |
katham ? vṛddhānāṁ mahattamānāṁ bhavatām anuvṛttyaitan mahā-purāṇa-kathana-pravartanātmakenāṅgīkāreṇa |
yad vā, kena kadā ? vṛddhānāṁ śrī-śukadevādīnāṁ bhavatāṁ yānuvṛttir anugatis tayā hetunā |
adyāsminn etādṛśa-bhavad-aṅgīkāra-samaye |
vilomajatvānuvṛttau tatrāyogyatvād iti bhāvaḥ |
tatra kaimutyaṁ mahattamānām abhidhāna-yogo nāma śravaṇam api dauṣkulyaṁ tad-ādhiṁ ca vidhunotīti ||