tat parīkṣitam ākhyānam ākhyāhi, asaṁvṛtārthaṁ yathā syāt-tathā, atyadbhutasya bhakti-yogasya niṣṭhā sthitir yatra tat |
ato bhāgavatānām abhirāmaṁ manoharam |
mahadbhiḥ sat-kṛtaṁ śrī-bhāgavata-vyākhyānāya dattāsanaṁ svaṁ ślāghate—aho iti āścarye |
heti harṣe, sūtajātitvād-vilomajātāḥ pratilomajā api vayaṁ jñāna-vṛddhānāṁ bhavatām anuvṛttyā sevayā janma-bhṛtaḥ saphala-janmāno jātā āsmaḥ |
yato mahattamānāṁ bhavādṛśānām abhidhāna-yogo laukiko'pi sambhāṣaṇa-sambandhaḥ dauṣkulyamādhiṁ duṣkulatva-janyāṁ manaḥ-pīḍāṁ vidhunoti vināśayati ||