Śrīmad Bhāgavatam 1.17.34

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.17.34

yasmin harir bhagavān ijyamāna ijyātma-mūrtir yajatāṁ śaṁ tanoti | kāmān amoghān sthira-jaṅgamānām antar bahir vāyur ivaiṣa ātmā ||

Translation

— translation pending —

Commentary

Madhvācārya

bhāgavata-tātparyam

iṣṭātma-mūrtiḥ icchā-tanuḥ ||

Śrīdhara Svāmī

bhāvārtha-dīpikā

ijyā yāgas tad-rūpā mūrtir yasya |

śaṁ kṣemaṁ kāmāṁś ca |

nanv indrādayo devā ijyanye natu haris tatrāha—sthireti |

eṣa sthāvarādīnām ātmeti |

tathāpi jīvavan na paricchinna ity āha—antar bahir iti |

yathā vayuḥ prāṇa-rūpeṇāntastho’pi bahir apy asti tadvat sarvāntaryāmīśvaro’pīti ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

nanv indrādayo devatā apījyante na kevalaṁ bhagavān eva tatrāha—ijyānām indrādīnām ātma-mūrtir antaryāmi-rūpaḥ |

te ātma-mūrtayo yasyeti vā |

sthira-jaṅgamānām asmat-prajānāṁ kāmān aihikān śaṁ pāratrikaṁ sukhaṁ ca tanoti vāyur ivāntar bahiś ca sākṣād anubhūyamānaḥ sann ity arthaḥ |

tvayi vartamāne tu tathā naiva syād iti bhāvaḥ ||

Baladeva Vidyābhūṣaṇa

vaiṣṇavānandinī

nanv indrādaye pīḍyante na kevalaṁ haris tatrāha—ijyānāṁ teṣām ātmā pravartikā mūrtir yasya saḥ |

sthira-jaṅgamānām asmat-prajānām amoghān kāmān bhogān tanoti vāyur ivāntar bahiś ca pratīyamānaḥ, tvayatra vartamāne tathā na bhaved iti bhāvaḥ ||