Śrīmad Bhāgavatam 1.17.33

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.17.33

na vartitavyaṁ tad adharma-bandho
dharmeṇa satyena ca vartitavye |
brahmāvarte yatra yajanti yajñair
yajñeśvaraṁ yajña-vitāna-vijñāḥ ||

Translation

— translation pending —

Commentary

Madhvācārya

bhāgavata-tātparyam

brahma-yajñā vitāna-yajñāś ca ||

Śrīdhara Svāmī

bhāvārtha-dīpikā

tat tasmād dharmeṇa satyena ca vartitavye vartitum arhe brahmāvarte deśe |

yajñasya vitānaṁ vistāras tatra vijñā nipuṇāḥ ||

Jīva Gosvāmī

krama-sandarbhaḥ

brahmāvarta ity upalakṣaṇaṁ yajñiya-deśānām ||

Viśvanātha Cakravartī

sārārtha-darśiṇī

dharmeṇety anenaiva siddhe satyena ceti pṛthag-uktiḥ satyasya dharma-mūlatva-vyañjikā |

skandha-śākhādikaṁ vinā kevalena mūlenāpi na prāyaḥ prayojana-siddhir ity ato dharmeṇeti coktam |

vartitavye vartituṁ yogye ||

Baladeva Vidyābhūṣaṇa

vaiṣṇavānandinī

dharmeṇa satyena ca vartituṁ yogye brahmāvarte tvayā na vartitavyaṁ, yajñeśvaraṁ kṛṣṇam ||