Śrīmad Bhāgavatam 1.17.32

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.17.32

tvāṁ vartamānaṁ nara-deva-deheṣv
anupravṛtto’yam adharma-pūgaḥ |
lobho’nṛtaṁ cauryam anāryam aṁho
jyeṣṭhā ca māyā kalahaś ca dambhaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

tad evāha |

rāja-deheṣu vartamānaṁ tvām anu sarvataḥ pravṛttaḥ |

anāryaṁ daurjanyam |

aṁhaḥ svadharma-tyāgaḥ |

jyeṣṭhā alakṣmīḥ |

māyā kapaṭam ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

tvat-pravṛttau doṣān śṛṇv ity āha—tvām iti |

narāṇāṁ devānāṁ ca deheṣv iti |

devā api tvad-ākrānta-dehā lobhādy-adharmiṣṭhā bhavanti kiṁ punar narā iti bhāvaḥ |

vartamānaṁ tvām anu sarvataḥ pravṛttaḥ |

anāryaṁ daurjanyam |

aṁhaḥ sva-dharma-tyāgaḥ |

jyeṣṭhā alakṣmīḥ |

māyā kapaṭam |

dambho’haṅkāraḥ ||

Baladeva Vidyābhūṣaṇa

vaiṣṇavānandinī

nara-devānāṁ rājñāṁ deheṣu vartamānaṁ tvām anulakṣīkṛtya anāryaṁ daurjanyṁ |

aṁhaḥ sva-dharma-tyāga-rūpaṁ pāpaṁ, jyeṣṭhā-lakṣmīḥ, māyā kapaṭam ||