Śrīmad Bhāgavatam 1.17.31

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.17.31

rājovāca

na te guḍākeśa-yaśo-dharāṇāṁ
baddhāñjaler vai bhayam asti kiñcit |
na vartitavyaṁ bhavatā kathañcana
kṣetre madīye tvam adharma-bandhuḥ ||

Translation

— translation pending —

Commentary

Śrīdhara Svāmī

bhāvārtha-dīpikā

guḍakeśo’rjunas tasya yaśo-dharā ye vayaṁ teṣāṁ tān prati baddho’ñjalir yena tasya te |

kintu kathaṁcana kenāpy aṁśena na vartitavyam |

yasmāt tvam adharmasya bandhuḥ ||

Jīva Gosvāmī

krama-sandarbhaḥ

guḍākeśasya yad yaśas tasya rakṣaṇa-vyagrāṇām ity arthaḥ ||

Viśvanātha Cakravartī

sārārtha-darśiṇī

sva-kāryaṁ vicāryāha—guḍākeśo’rjunas tad-yaśodharāṇām asmākam agrato baddhāñjales tava |

kintu kathañcana kenāpy aṁśena na vartitavyaṁ na stheyam ||

Baladeva Vidyābhūṣaṇa

vaiṣṇavānandinī

sva-prayojanaṁ vicāryāha—na te iti |

madīye kṣetre deśe kathañcana kenāpy aṁśena na vartitavyaṁ na stheyaṁ yatas tvam adharma-bandhuḥ ||