Premabase · Śrīmad Bhāgavatam · Canto 1 · Chapter 17
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.17.24
← 1.17.231.17.25 →
tapaḥ śaucaṁ dayā satyam iti pādāḥ kṛte kṛtāḥ |
adharmāṁśais trayo bhagnāḥ smaya-saṅga-madais tava ||
Translation
— translation pending —
Commentary
Śrīdhara Svāmī
bhāvārtha-dīpikā
dharmo’sāv iti jñātvā tasya pādānuvādena vyavasthām āha—tapa iti dvābhyām |
adharma-pādais tava trayaḥ pādās tribhir aṁśair bhagnāḥ |
smayo vismayaḥ ||
Jīva Gosvāmī
krama-sandarbhaḥ
māyā ca dharmādharma-lakṣaṇaṁ krama-vaśāt samuditī-bhavantaṁ jīvānāṁ karma-viśeṣām anusṛtya tat-tad-yuge tat tat pravartayatīti tasyāś ca na vaiṣamyam ity āha—tapa iti dvābhyām |
smayo garvaḥ |
garva-dvārā tapo-nāśakatveneti vakṣyamāṇa-ṭīkā-saṅgateḥ |
saṅgaḥ strībhiḥ |
madas tu pānādijaḥ |
abhyarthita ity atra vakṣyamāṇa-tat-tat-saṅgater eva |
adharmāṁśaiḥ smayādy-aṁśa-rūpaiḥ |
traya iti trayas trayo’ṁśāḥ bhagnāḥ |
tataś caturtha-caturthāṁśair eka eva pādo’vaśiṣyate |
tatra ca satyasyaivāṁśo’vaśiṣyata ity arthaḥ ||
Viśvanātha Cakravartī
sārārtha-darśiṇī
ahaṁ tu tvayā akathitam api tava bhadrābhadraṁ sarvaṁ jānāmy eva tat śṛṇv ity āha—tapa iti dvābhyām |
adharmasya aṁśaḥ pādaiḥ smayādibhiḥ |
smayo garvaḥ |
saṅgaḥ strībhiḥ |
mado madhu-pānajaḥ |
upalakṣaṇam etad-dhiṁsāder api |
tataḥ satyādināśakatvaṁ jñeyam ||
Baladeva Vidyābhūṣaṇa
vaiṣṇavānandinī
tvayānuktam api tava bhadrābhadram ahaṁ jānāmy eva, tattvaṁ śṛṇvity āha—tapa iti dvābhyām |
adharmasyāṁśaiḥ pādaiḥ smayādibhis tribhis tava eyaḥ pādās tapaḥ-śocadayārūpā bhagnāḥ |
teṣu smayo garvaḥ, saṅgaḥ strībhiḥ, mado madhu-pānajanyaḥ ||
← 1.17.231.17.25 →