Premabase · Śrīmad Bhāgavatam · Canto 1 · Chapter 17
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.17.18
← 1.17.171.17.19 →
na vayaṁ kleśa-bījāni yataḥ syuḥ puruṣarṣabha |
puruṣaṁ taṁ vijānīmo vākya-bheda-vimohitāḥ ||
Translation
— translation pending —
Commentary
Śrīdhara Svāmī
bhāvārtha-dīpikā
vayaṁ tu yataḥ puruṣāt prāṇināṁ kleśa-hetavo bhaveyus taṁ puruṣaṁ na vijānīmaḥ |
yato vādināṁ vākya-bhedair vimohitāḥ ||
Jīva Gosvāmī
krama-sandarbhaḥ
tatra sākṣād-dhiṁsā-kartṛ-gataḥ praśno’yam iti jñātvāpi sūcakatā na yukteti tasyāpi gauṇatvaṁ matvā tat-prayojaka-kartṛ-gatatvena siddhāntayann apy anirdhāritam ivāha—na vayam iti tribhiḥ |
vayam īśvara-vādino ye ca vakya-bheda-vimohitās te sarve’pi taṁ puruṣam īśvaraṁ na vijānīmaḥ sarvāgocaratvāt ||
Viśvanātha Cakravartī
sārārtha-darśiṇī
kiṁ ca, yataḥ puruṣāt kleśa-bījāni syus taṁ puruṣaṁ vayaṁ na jānīmaḥ |
nanu katham evam apalapasi tvat-kleśa-dāyī puruṣo’yaṁ mayā dṛśyata eva |
satyam asau mama kleśadaḥ, kintu mama kleśasya bījaṁ kiñcid avaśyaṁ bhaviṣyati |
yato’yaṁ mamaiva kleśado nānyasya |
ataḥ kleśa-bījaṁ yato bhavati taṁ puruṣaṁ na jānīma ity arthaḥ |
nanu śāstrajñā yūyaṁ kathaṁ na jānītha? satyam |
bahu-śāstra-jñānam eva tad-anirdhāre kāraṇam ity āha—vādināṁ vākya-bhedair vimohitā iti ||
Baladeva Vidyābhūṣaṇa
vaiṣṇavānandinī
ko'vṛścad iti rājñā yat pṛṣṭaṁ tatrāha—yataḥ puruṣāt kleśa-vījāni duḥkha-kāraṇani syustaṁ vayaṁ na jānīmaḥ |
āsmāc-chūdrād asmākaṁ kleśa eva, tad-vījāni yasmāt sa tvanyaḥ, taṁ na vidma ity arthaḥ |
nanu prājña śūyaṁ, kathaṁ taṁ na jānītha? tatrāha—vākyeti ||
← 1.17.171.17.19 →