Śrīmad Bhāgavatam 1.17.17

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.17.17

dharma uvāca

etad vaḥ pāṇḍaveyānāṁ yuktam ārtābhayaṁ vacaḥ |
yeṣāṁ guṇa-gaṇaiḥ kṛṣṇo dautyādau bhagavān kṛtaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

artānām abhayaṁ yasmāt tad vaco vo yuṣmākaṁ yuktam ucitam eva ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

yeṣāṁ guṇa-gaṇair iti premātmakair ity arthaḥ |

kṛṣṇasya premaika-vaśyatvāt tasyārjunasya pautratvaṁ tat-tulya eva tavāpi guṇair adhīna eva kṛṣṇo vartata iti tvad-aśakyaṁ kim api nāstīti bhāvaḥ ||

Baladeva Vidyābhūṣaṇa

vaiṣṇavānandinī

guṇa-gaṇaiḥ premamayair ity arthaḥ, premavaśyatvāt kṛṣṇasya, tathā ca teṣāṁ pautrasya tad-vat kṛṣṇa-niṣṭhasya tavāpi na kiñcid aśakyam iti bhāvaḥ ||