Premabase · Śrīmad Bhāgavatam · Canto 1 · Chapter 17
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.17.9
← 1.17.81.17.10-11 →
mā saurabheyātra śuco vyetu te vṛṣalād bhayam |
mā rodīr amba bhadraṁ te khalānāṁ mayi śāstari ||
Translation
— translation pending —
Commentary
Śrīdhara Svāmī
bhāvārtha-dīpikā
evam ukte punar api śocantaṁ praty āha |
bho surabheḥ putra, mā śucaḥ śokaṁ mā kuru |
vyetu apayātu |
gāṁ praty āha |
he amba mātaḥ, śāstari mayi jīvati sati te bhadram evāto mā rodīḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
nanv alīkam idam iti svam iva rūdantīṁ gāṁ darśayantaṁ vṛṣaṁ sāśvāsam āha—bhoḥ surabheḥ putra! mā śucaḥ, mā śocaḥ |
bhayaṁ vyetv iti adhunaivemaṁ hanmīti bhāvaḥ |
gāṁ pratyāha—meti |
mayi jīvati sati ||
Baladeva Vidyābhūṣaṇa
vaiṣṇavānandinī
nanu mṛṣaivaitat, mat-sadṛśīṁ dhenuṁ ca paśyeti vadantaṁ vṛṣam āśvāsayann āha—he saurabheya surabhi-putra! tvaṁ mā śucaḥ śokaṁ mā kṛthāḥ, vṛṣalāt te bhayaṁ vyetu |
dhenuṁ praty āha—he amba! tvaṁ mā rodīḥ, mayi khalānāṁ śāstari sati te bhadram |
adhunaivemaṁ hanmīti bhāvaḥ ||
← 1.17.81.17.10-11 →