Premabase · Śrīmad Bhāgavatam · Canto 1 · Chapter 17
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.17.6
← 1.17.51.17.7 →
yas tvaṁ kṛṣṇe gate dūraṁ saha-gāṇḍīva-dhanvanā |
śocyo’sy aśocyān rahasi praharan vadham arhasi ||
Translation
— translation pending —
Commentary
Śrīdhara Svāmī
bhāvārtha-dīpikā
aśocyān niraparādhān rahasi yas tvaṁ praharan praharasi sa śocyaḥ sāparādho’sy ato vadham arhasi ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
nanu yathā tvaṁ deśasya rājā, tathaivāham api samprati kālasya rājeti mayi tava vikramo na bhaviṣyatīty ata āha—yas tvam iti |
|
gāṇḍīva-dhanvanā arjunena saha kṛṣṇe dūraṁ gate satīti etāvad-dinaṁ tvaṁ kvāsīr iti bhāvaḥ |
nanv āsam eva kintu tābhyāṁ bhayena na prābhūvam |
adhunā tu kasmād bibhemi iti satyam |
śocyo’si adhunā tvaṁ martum evecchasīti bhāvaḥ ||
Baladeva Vidyābhūṣaṇa
vaiṣṇavānandinī
nanu yathā tvaṁ deśasya, tathāhaṁ saṁprati-kālasya rājeti na te mayi prabhāvo bhāvīti cet-tatrāha—yas tvaṁ gāṇḍīva-dhanvanā saha kṛṣṇe dūraṁ gate satītyetāvat kālaṁ kvāsīr iti bhāvaḥ |
nanu sthito'py ahaṁ tābhyāṁ bhayānn ātmānaṁ prākāśayaṁ, tad-vihīne loke svatantro'ham adhunā kasmād-vibhemi? tatrāha—śocyo'sīti |
tvam idānīṁ martum icchasīti bhāvaḥ ||
← 1.17.51.17.7 →