Premabase · Śrīmad Bhāgavatam · Canto 1 · Chapter 16
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.16.35
← 1.16.341.16.36 →
yo vai mamātibharam āsura-vaṁśa-rājñām
akṣauhiṇī-śatam apānudad ātma-tantraḥ |
tvāṁ duḥstham ūna-padam ātmani pauruṣeṇa
sampādayan yaduṣu ramyam abibhrad aṅgam ||
Translation
— translation pending —
Commentary
Śrīdhara Svāmī
bhāvārtha-dīpikā
kiṁ ca, yo vai āsuro vaṁśo yeṣāṁ teṣāṁ rājñām akṣauhiṇī-śata-rūpaṁ mamātibharaṁ bhāram apanītavān |
tvāṁ cona-padavatvād duḥsthaṁ santaṁ pauruṣeṇa puruṣa-kāraṇenātmani svasmin saṁpūrṇa-padaṁ susthaṁ saṁpādayan |
lakṣaṇa-hetvoḥ kriyāyā iti hetau śatṛ-pratyayaḥ |
saṁpādayitum ity arthaḥ |
abibhrad dhṛtavān ity arthaḥ ||
Jīva Gosvāmī
krama-sandarbhaḥ
pūrve ye āsura-vaṁśā āsan ta eva rājānas teṣām |
chinna-prarūḍhādivat samāsaḥ |
pāṭhāntare āsura-veśāḥ āsura-bhāvaṁ praviṣṭā ity arthaḥ |
ūna-padaṁ tvām ātmani āśraye sati sampādayan sampannaṁ pūrṇa-padaṁ kurvan ||
Viśvanātha Cakravartī
sārārtha-darśiṇī
pūrve ye āsura-vaṁśā āsan ta eva rājānas teṣām |
chinna-prarūḍhādivat samāsaḥ |
pāṭhāntare āsura-veṣāḥ āsura-bhāvaḥ praviṣṭā ity arthaḥ |
ūna-padaṁ tvām ātmani āśraye sati sampādayan sampannaṁ pūrṇa-padaṁ kurvan ||
Baladeva Vidyābhūṣaṇa
vaiṣṇavānandinī
yo mamātibharam apānudan-nirāsthat, unapadaṁ tato duḥsthaṁ tvām, ātmani svasmin yat pauruṣaṁ tena sampādayan sampūrṇa-padaṁ susthaṁ ca sampādayaitum ity arthaḥ |
yaduṣu ramyaṁ lāvaṇyopetam aṅgaṁ murtim avibhrat prakaṭitavān ||
← 1.16.341.16.36 →