Premabase · Śrīmad Bhāgavatam · Canto 1 · Chapter 16
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.16.36
← 1.16.351.16.37 →
kā vā saheta virahaṁ puruṣottamasya
premāvaloka-rucira-smita-valgu-jalpaiḥ |
sthairyaṁ samānam aharan madhu-māninīnāṁ
romotsavo mama yad-aṅghri-viṭaṅkitāyāḥ ||
Translation
— translation pending —
Commentary
Śrīdhara Svāmī
bhāvārtha-dīpikā
tasya virahaṁ kā vā saheta |
premāvalokaś ca rucira-smitaṁ ca valgu-jalpaś ca tair madhu-māninīnāṁ satyabhāmādīnāṁ samānaṁ sarva-sahitaṁ sthairyaṁ stabdhatvaṁ yo’harat |
yasyāṅghriṇā rajasy utthitena viṭaṅkitāyā alaṅkṛtāyāḥ sasyādi-miṣeṇa romotsavo bhavati ||
Jīva Gosvāmī
krama-sandarbhaḥ
tasya virahaṁ kā vā saheta |
premāvalokaś ca ruciraṁ smitaṁ ca valgu-jalpaś ca tair madhu-māninīnāṁ madhuvan mādako mānaḥ pātivratyādi-garvo yāsām asti tāsāṁ satyabhaṁādīnāṁ samānaṁ garva-sahitaṁ sthairyaṁ śuddhatvaṁ yaḥ aharat |
yasyāṅghriṇā rajasyutthitena viṭaṅkitāyāḥ alaṅkṛtāyāḥ śaṣpādimiṣeṇa romotsavaḥ bhavati ||
Viśvanātha Cakravartī
sārārtha-darśiṇī
madhu-māninīnāṁ satyabhāmādīnāṁ sthairyam acāñcalyaṁ māna-sahitam |
viṭaṅkitāyā alaṅkṛtāyā iti tena tasya sarvāsv api preyasīṣu madhye ahaṁ sadaiva svādhīna-bhartṛkā viraha-rahitaivāsam iti bhāvaḥ ||
Baladeva Vidyābhūṣaṇa
vaiṣṇavānandinī
puruṣottamasya virahaṁ kā vā saheta, yā madhumāninīnāṁ satyabhāmādīnāṁ sthairyam acāpalyaṁ mānasa-hitaṁ premāvalokādyair aharat |
rāsotsave mamāpi yas tad aharat, mama kīdṛśyāḥ? ity āha—yad aṅghribhyāṁ viṭaṅkitāyāḥ vibhūṣitāyāḥ |
tat-preyasīṣu madhye tac-caraṇa-sparśa-saubhāgyāyāhaṁ sadaivāsaṁ, tad-viraham adhunā kathaṁ soḍhuṁ prabhavānīti bhāvaḥ ||
← 1.16.351.16.37 →