Premabase · Śrīmad Bhāgavatam · Canto 1 · Chapter 16
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.16.34
← 1.16.331.16.35 →
tasyāham abja-kuliśāṅkuśa-ketu-ketaiḥ
śrīmat-padair bhagavataḥ samalaṅkṛtāṅgī |
trīn atyaroca upalabhya tato vibhūtiṁ
lokān sa māṁ vyasṛjad utsmayatīṁ tad-ante ||
Translation
— translation pending —
Commentary
Śrīdhara Svāmī
bhāvārtha-dīpikā
tasya bhagavataḥ śrīmadbhiḥ padaiḥ |
ketur dhvajaḥ |
abjādayaḥ ketāś cihnāni yeṣāṁ taiḥ |
yad vā, abjādīnām āśrayaiḥ samyag alaṅkṛtam aṅgaṁ yasyāḥ sāhaṁ, tato bhagavato vibhūtiṁ sampadam upalabhya prāpya trīn lokān atikramya aroce śobhitavaty asmi |
paścāt tasyā vibhūter ante nāśa-kāle prāpte saty utsmayantīṁ garvaṁ kurvāṇāṁ māṁ sa vyasṛjat tyaktavān ||
Jīva Gosvāmī
krama-sandarbhaḥ
tat-sambandhena sva-vibhūty-atiśayo yukta evety āha—tasya iti ||
Viśvanātha Cakravartī
sārārtha-darśiṇī
tasya śrī-kṛṣṇasya |
ketaṁ cihnaṁ trīn lokān atikramya aroce śobhitavaty asmi |
tataḥ śrī-kṛṣṇād vibhūtiṁ sampadam upalabhya prāpya tad-ante vibhūter nāśa-kāle prāpsyamāne utsmayantīṁ mat-tulyo vaikuṇṭho’pi na bhavatīty antar garvavatīm ||
Baladeva Vidyābhūṣaṇa
vaiṣṇavānandinī
yasya śrī-kṛṣṇasya ketur dhvajaḥ ketaiś cihnaiḥ |
tataḥ śrī-kṛṣṇād-vibhūtim upalabhya trīn lokān atikramyāroce śobhitāham āsaṁ, tad ante vibhūter nāśe prāpyamāṇe utsmayantī mat-samo vaikuṇṭho'pi na bhaved ity antargarvavatīṁ māṁ vyasṛjad-vihāyāntaradhāt ||
← 1.16.331.16.35 →