Śrīmad Bhāgavatam 1.16.22

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.16.22

arakṣyamāṇāḥ striya urvi bālān
śocasy atho puruṣādair ivārtān |
vācaṁ devīṁ brahma-kule kukarmaṇy
abrahmaṇye rāja-kule kulāgryān ||

Translation

— translation pending —

Commentary

Śrīdhara Svāmī

bhāvārtha-dīpikā

he urvi pṛthvi, bhartṛbhir arakṣayamāṇāḥ striyaḥ pitṛbhir arakṣayaṁāṇān bālān pratyuta tair eva puruṣādair iva nirdayair ārtān kliṣṭān |

vācaṁ devīṁ sarasvatīṁ kukarmaṇi durācāre sthitām |

kulāgryān brāhmaṇottamān sevakān ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

bhartṛbhir arakṣyamāṇāḥ striyaḥ |

pitṛbhir arakṣyamāṇān bālān pratyuta tair eva puruṣādair iva nirdayair ārtān kleśitān |

vācaṁ pāṇḍitya-lakṣaṇāṁ sarasvatīṁ kukarmaṇi durācāre |

brāhmaṇa-bhakti-hīne’pi rāja-vaṁśe utpannān kulāgryān kulīnatvena khyāpitān ||

Baladeva Vidyābhūṣaṇa

vaiṣṇavānandinī

patibhir arakṣyamāṇāḥ striyaḥ, pitṛbhir apālyamānān bālān, pratyuta taiḥ puruṣādai rākṣasair iva nirdayair ārtān kleśitān |

vācaṁ devīṁ pāṇḍitya-lakṣaṇāṁ sarasvatīṁ kukarmaṇi durācāre brahma-kule sthitām |

abrahmaṇye vipra-bhakti-śūnye rāja-kule jātān kulāgryān kulīnatvena khyātān śocasi? ||