Śrīmad Bhāgavatam 1.16.21

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.16.21

pādair nyūnaṁ śocasi maika-pādam
ātmānaṁ vā vṛṣalair bhokṣyamāṇam |
āho surādīn hṛta-yajña-bhāgān
prajā uta svin maghavaty avarṣati ||

Translation

— translation pending —

Commentary

Śrīdhara Svāmī

bhāvārtha-dīpikā

tribhiḥ pādair nyūnam ata ekaika-pādam |

mā māṁ mal-lakṣaṇaṁ janam ity arthaḥ |

vṛṣalair ita ūrdhvaṁ bhokṣyamāṇam |

puṁstvam ātma-pada-viśeṣaṇatvāt |

hṛtā yajña-bhāgā yeṣāṁ tān |

yajñādy-akaraṇāt ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

mā mām |

vṛṣalair mlecchair ata ūrdhvam ātmānaṁ bhokṣyamāṇam |

puṁstvam ātmapada-viśeṣaṇatvāt ||

Baladeva Vidyābhūṣaṇa

vaiṣṇavānandinī

tribhiḥ pādair nyūnam ekapādaṁ māṁ śocasi, ātmānaṁ svaṁ ceta urddhvaṁ vṛṣalaiḥ śūdrair bhokṣyamāṇaṁ |

puṁs tvam ātma-pada-viśeṣaṇatvāt |

aho kim vā hata yajña-bhāgān surādīn |

utasvid athavā maghavatya-varṣati kliṣṭāḥ prajāḥ śocasi? ||