Śrīmad Bhāgavatam 1.15.49

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.15.49

viduro’pi parityajya prabhāse deham ātmanaḥ |
kṛṣṇāveśena tac-cittaḥ pitṛbhiḥ sva-kṣayaṁ yayau ||

Translation

— translation pending —

Commentary

Śrīdhara Svāmī

bhāvārtha-dīpikā

śrī-kṛṣṇāveśena kṛṣṇe cittam āveśya dehaṁ parityajya tac-citta eva saṁs tadānīṁ netum āgataiḥ saha sva-kṣayaṁ svādhikāra-sthānaṁ yayau ||

Jīva Gosvāmī

krama-sandarbhaḥ

vidurasya yama-loka-gatiḥ svādhikāra-pālanārthaṁ līlayā kāya-vyūheneti jñeyam |

tad ittham eva śrī-bhāgavata-bhāratayor avirodhaḥ syād iti ||

Viśvanātha Cakravartī

sārārtha-darśiṇī

dehaṁ parityajya iti |

devatā-rūpa eva, na tu pārṣada-rūpaḥ |

ata eva pitṛbhis tadānīṁ netum āgataiḥ saha |

sva-kṣayaṁ svādhikāra-sthānam ||

Baladeva Vidyābhūṣaṇa

vaiṣṇavānandinī

viduro'pi dehaṁ parityajya iti dharmarāja-rūpa eva tanu-pārṣada-rūpaḥ, ata eva tadānetum āgataiḥ pitṛbhiḥ saha sva-kṣayaṁ svādhikāra-sthānaṁ yayau |

pārṣadas tu tac-cittas tam eva prāpeti ||