Śrīmad Bhāgavatam 1.15.50

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.15.50

draupadī ca tad ājñāya patīnām anapekṣatām |
vāsudeve bhagavati hy ekānta-matir āpa tam ||

Translation

— translation pending —

Commentary

Śrīdhara Svāmī

bhāvārtha-dīpikā

ātmānaṁ praty anapekṣatāṁ tadā jñātvā tam āpa ||

Jīva Gosvāmī

krama-sandarbhaḥ

ātmānaṁ praty anapekṣamāṇānāṁ tat śrī-kṛṣṇa-saṅgamanam ājñāya samyak jñātvā |

vāsudeve śrī-vasudeva-nandane |

hi prasiddhau |

yasminn ekānta-matiḥ, tam eva prāptavatī |

atrānyena pathā gacchato’py etān śrī-dvārakā-nāthaḥ svayaṁ sva-śaktyā sva-samīpam evānītavān iti gamyate, nityaṁ sannihitaḥ ity-ādy-ukteḥ ||

[prīti-sandarbha 272]

Viśvanātha Cakravartī

sārārtha-darśiṇī

draupadī iti |

subhadrādīnām apy upalakṣaṇam |

tam āpa iti deha-tyāgānuktyā śarīreṇaiveti ||

Baladeva Vidyābhūṣaṇa

vaiṣṇavānandinī

draupadī ca iti |

cāt subhadrāpi tam āpa iti vigraha-tyāgān abhidhānāt pūrva-vigrahaiva kṛṣṇam āpety arthaḥ ||