Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.33
← 1.15.321.15.34 →
pṛthāpy anuśrutya dhanañjayoditaṁ
nāśaṁ yadūnāṁ bhagavad-gatiṁ ca tām |
ekānta-bhaktyā bhagavaty adhokṣaje
niveśitātmopararāma saṁsṛteḥ ||
Translation
— translation pending —
Commentary
Śrīdhara Svāmī
bhāvārtha-dīpikā
tāṁ durvijñeyām |
vakṣyati hy ekādaśe—
saudāminyā yathākāśe yāntyā hitvābhra-maṇḍalam | gatir na lakṣyate martyais tathā kṛṣṇasya daivataiḥ ||
[bhā.pu. 11.31.9]
saṁsṛter upararāma jīvan-muktā babhūva |
dehaṁ jahāv iti vā ||
Jīva Gosvāmī
krama-sandarbhaḥ
nāśaṁ loka-dṛṣṭyāḥ, vastutas tv adarśanam eva |
bhagavaty adhokṣaje niveśitātmā iti bhagavataḥ pṛthā-dhyānālambanatvaṁ darśayitvā pṛthayānubhūtāṁ sthitim eva darśayati |
tatra saudāminyā [bhā.pu. 11.31.9] ity-ādy ekādaśa-skandha-padyātmakaṁ śāstraṁ saudāminyā api nāśaṁ niṣedhayati cet, tarhy atrāpi tad-dṛṣṭyā sutarām eva tan mantavyam |
tad uktaṁ tatraiva,
devādayo brahma-mukhyā na viśantaṁ sva-dhāmani | avijñāta-gatiṁ kṛṣṇaṁ dadṛśuś cātivismitāḥ ||
[bhā.pu. 11.31.8]
saṁsṛteḥ prapañcāvatārāt ||
Viśvanātha Cakravartī
sārārtha-darśiṇī
tāṁ prasiddhām antardhāna-lakṣaṇām |
saṁsṛteḥ samyak saraṇāt prapañce ’vatārāt upararāma sadya eva vāntardadhāv ity arthaḥ |
tac-chravaṇa-kṣaṇa eva tad-viyoga-janitāṁ daśamīm api daśāṁ darśayāmāseti vā ||
Baladeva Vidyābhūṣaṇa
vaiṣṇavānandinī
nāśam adarśanaṁ, tāṁ prasiddhāṁ tirodhāna-rūpāṁ, saṁskṛteḥ prapañca-sañcārād upararāma sadya evāntaradhāt ||
← 1.15.321.15.34 →