Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.32
← 1.15.311.15.33 →
niśamya bhagavan-mārgaṁ saṁsthāṁ yadu-kulasya ca |
svaḥ-pathāya matiṁ cakre nibhṛtātmā yudhiṣṭhiraḥ ||
Translation
— translation pending —
Commentary
Śrīdhara Svāmī
bhāvārtha-dīpikā
bhagavato mārgam ālakṣya yadu-kulasya saṁsthāṁ nāśaṁ śrutvā nāradoktaṁ cānusmṛtya svaḥ-pathāya svarga-mārgāya |
nibhṛtātmā niścala-cittaḥ ||
Jīva Gosvāmī
krama-sandarbhaḥ
bhagavan-mārgaṁ niśamya vitarkya |
yadu-kulasya casaṁsthāṁniśamya śrutvā |
śrī-kṛṣṇasya nitya-sāmīpyena samyak sthitiṁ vitarkyeti vāstavo’rthaḥ |
svaḥ śrī-kṛṣṇa-dhāma, ye’dhyāsanaṁ [bhā.pu. 1.19.20] ity ādau, sadyo jahur bhagavat-pārśva-kāmā ity anena tad-artham eva kṛta-prayatnatvāt, brahmādayo lokapālāḥ svar vāsam abhikāṅkṣiṇaḥ iti śrī-bhagavad-vākyāc ca ||
Viśvanātha Cakravartī
sārārtha-darśiṇī
mārgaṁ padavīṁ cāturya-paripāṭīm iti yāvat |
saṁsthāṁ vakṣyamāṇa-siddhāntānusāreṇa aprakaṭa-prakāśa-gatatvena samyak sthitaṁ svāntar daśāyāṁ tad-bahir daśāyāṁ tu nāśaṁ ca |
svaḥ śrī-kṛṣṇadhāma |
ye’dhyāsanaṁ rāja-kirīṭa-juṣṭaṁ sadyo jahur bhagavat-pārśva-kāmāḥ [bhā.pu. 1.19.20] ity uktatvāt |
tathā sampadaḥ kratavo lokā ity-ādibhyaś ca |
yudhiṣṭhira ity upalakṣaṇam |
pañcaiva bhrātaraḥ svaḥ-pathāya śrī-kṛṣṇa-dhāma-pathaṁ gantuṁ matiṁ cakruḥ |
nibhṛtātmā anyālakṣita-citta-vyāpāraḥ ||
Baladeva Vidyābhūṣaṇa
vaiṣṇavānandinī
mārgaṁ padavīṁ, saṁsthām aprakaṭa-prakāśe samyak sthitiṁ niśamya śrutvā yudhiṣṭhiraḥ svapathāya śrī-kṛṣṇa-loka-mārgaṁ gantuṁ matiñcakre, ye'dhyāsanaṁ rāja-kirīṭa-juṣṭaṁ sadyojahur bhagavat-pārśva-kāmāḥ ity ukteḥ |
nibhṛtātmānyālakṣita-citta-vyāpāraḥ |
yudhiṣṭhira iti bhīmādīnām upalakṣaṇam ||
← 1.15.311.15.33 →