Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.30
← 1.15.291.15.31 →
gītaṁ bhagavatā jñānaṁ yat tat saṅgrāma-mūrdhani |
kāla-karma-tamo-ruddhaṁ punar adhyagamat prabhuḥ ||
Translation
— translation pending —
Commentary
Śrīdhara Svāmī
bhāvārtha-dīpikā
kālena karmabhis tamasā bhogābhiniveśena ca ruddham āvṛtaṁ sat ||
Jīva Gosvāmī
krama-sandarbhaḥ
gītaṁ mām evaiṣyasi [gītā 18.65] ity antam |
kālo bhagaval-līlecchā-mayaḥ |
karma tal-līlā |
tamas tal-līlāveśena tad-anusandhānam |
adhyagamat tan-mahā-vicchedasya tasyānte’pi tathā tat-prāptaḥ punar mām evaiṣyasi ity etad vākyaṁ yathārthatvenānubhūtavān ||
[prīti-sandarbhaḥ 52]
Viśvanātha Cakravartī
sārārtha-darśiṇī
kintu priyasya viccheda-dave priyokti-smṛtyaiva sandhukṣaṇam āturasya iti rītyā tan-mukha-candra-vinirgataṁ sarva-santāpopaśamanaṁ gītāmṛtam eva pātum ārebhe ity āha—gītam iti |
kālādibhir avaruddham avismṛtam |
tatra tamo’ndhakāra-samas tad-viraha eva ||
Baladeva Vidyābhūṣaṇa
vaiṣṇavānandinī
kiñ ca, bhāratāhave bhagavatoktam anusmṛtya tad-virahatāpas tasya samaśamyadity āha—gītam iti |
manmanā bhava mad-bhakto-mad-yājī-māṁ-namaskuru | mām evaiṣyasi satyaṁ te pratijāne priyo'si me ||
[gītā 9.34]
yat-tena gītaṁ tat-punar adhyagamat |
he arjuna tvaṁ saṁprati mā bhīto'si, mat-tirodhānottaraṁ ca mām eva eṣyasīty arthaḥ |
tat kīdṛśaṁ? kālena bahusamvatsarātmakena karmaṇā rājya-vyāpāreṇa tamasā bhogābhiniveśena cāruddhama-vismṛtaṁ tad adhunā karma-tamaḥ-śūnyo'dhikam agamad anvabhūd ity arthaḥ ||
← 1.15.291.15.31 →