Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.19
← 1.15.181.15.20 →
śayyāsanāṭana-vikatthana-bhojanādiṣv
aikyād vayasya ṛtavān iti vipralabdhaḥ |
sakhyuḥ sakheva pitṛvat tanayasya sarvaṁ
sehe mahān mahitayā kumater aghaṁ me ||
Translation
— translation pending —
Commentary
Śrīdhara Svāmī
bhāvārtha-dīpikā
vikatthanaṁ sva-guṇa-ślāghanādi |
śayyādiṣv aikyād avyatirekād dhetoḥ |
kadācid vyabhicāraṁ dṛṣṭvā he vayasya, ṛtavān satya-yuktas tvam iti vakroktayā vipralabdhas tiras-kṛto’pi |
"ṛbhumān" iti pāṭhe ṛbhavo devāḥ sevakāḥ santi yasya saḥ |
asau mahān api mayā vayasya iti matvā vipralabdhas tiras-kṛta ity arthaḥ |
"ṛtamān" iti pāṭhe vattvābhāva ārṣaḥ |
me agham aparādham asahat |
mahitayā mahattvena |
eka-padye atimahattvenety arthaḥ |
sakhyur aghaṁ sakheva |
tanayasya aghaṁ piteva ||
kaivalya-dīpikā : śayyā- iti |
vikatthanaṁ kalā-kauśala-darśanam |
aikyād avinābhāvāt |
he vayasya ! ṛtavāṁs tvaṁ satya-yuktas tvam iti lakṣaṇā mūlātyanta-tiraskṛtā |
vivakṣita-vācyena dhvaninā vipralambha upahasitaḥ kṛṣṇaḥ me agham aparādhaṁ sehe |
mahān mahitayā mahattvātiśayena hi mahattvam |
19||
[mu.pha. 13.12]
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
aikyāt paraspara-prāṇaikyād ṛtavāṁs tvam eva satyavādīti vakroktyā vipralabdhas tiraskṛto’pi |
"ṛbhumān" iti pāṭhe ṛbhavo devāḥ sevakāḥ santi yasya, asāv api tiraskṛtaḥ |
tad api mahitayā sva-mahattvena ||
Baladeva Vidyābhūṣaṇa
vaiṣṇavānandinī
śayyā iti |
vikatthanaṁ aślāghā, aikyān mithaś cittābhedāt tvam eva ṛtavān satyavādīti vakroktyā vipralabdho'vajñāto'pi sa mahān tat sarvaṁ me mama agham aparādhaṁ mahitayā sva-mahattvena sehe iti prāgvad dāsyodayaḥ ||
← 1.15.181.15.20 →