he nara-deva !udāraṁ gambhīraṁ ruciraṁ ca yat smitaṁ, tena śobhitāni narmāṇi parihāsa-vākyāni, tathā kārya-prastāveṣu, he pārtha ! ity-ādīni madhurākṣarāṇi sañjalpitāni ca hṛdi-spṛśāni manojñāni mādhavasya yāny etāni tānīdānīṁ smartur mama hṛdayaṁ luṭhanti loṭhayanti kṣobhayanti |
kaivalya-dīpikā : kṛṣṇena sahavāsaṁ smarati śloka-dvayena—narmāṇi iti |
narmāṇi parihāsa-vacāṁsi |
he pārtha ity-ādi sambodhana-pūrvakaṁ sañjalpitāni udāra-vacāṁsi mama hṛdayaṁ luṭhanti śokena itas tataḥ pātayanti ||