Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.14
← 1.15.131.15.15 →
yad-bāndhavaḥ kuru-balābdhim ananta-pāram
eko rathena tatare’ham atīrya-sattvam |
pratyāhṛtaṁ bahu dhanaṁ ca mayā pareṣāṁ
tejāspadaṁ maṇimayaṁ ca hṛtaṁ śirobhyaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
yad-bāndhava ity-ādi-śloka-trayasyāpi tena muṣito’ham iti pūrveṇaiva saṁbandhaḥ |
śrī-kṛṣṇa-bāndhava eka eva ahaṁ kaurava-sainyābdhiṁ nāsty anto gāmbhīryeṇa, pāraṁ ca deśato yasya taṁ tatare tīrṇavān uttara-go-grahe |
atīryāṇi dustarāṇi sattvāni timiṅgilādīni bhīṣmādi-rūpāṇi yasmin |
parair nītaṁ go-dhanaṁ pratyāhṛtam |
pareṣāṁ ca śirobhyaḥ sakāśāt tejāspadaṁ prabhāvasyāspadam uṣṇīṣa-rūpaṁ maṇimayaṁ mukuṭa-ratna-rūpaṁ ca bahu-dhanaṁ tān mohanāstreṇa mohayitvā hṛtam |
yad-bāndhavena mayā ||
kaivalya-dīpikā : go-grahaṇe kṛṣṇopakāraṁ smarati—yad-bāndhava iti |
yad bāndhavaḥ kṛṣṇa-sahāyaḥ |
ananta-gāmbhīryasyāvadhiḥ pāro vistārasya yasya tam |
tatare tīrṇavān |
anārya-sattvam hiṁsra-gajādikam |
puru bahu dhanam |
parair āhṛtaṁ go-dhanaṁ pareṣāṁ ca maṇimayaṁ mukuṭādi dhanaṁ ca hṛtam |
tad dhi tejās-padaṁ tad-dharaṇe tejo-haraṇāt ||
[mu.pha. 13.7]
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
yaḥ śrī-kṛṣṇa eva bāndhavo yasya so’ham eka eva kuru-sainyābdhiṁ tatare tīrṇavān uttara-go-grahe |
nāsty anto gāmbhīryeṇa pāraṁ ca deśato yasya tam |
atīryāṇi dustarāṇi sattvāni bhīṣmādi-timiṅgilādīni yasmiṁs tam |
go-dhanaṁ pratyāhṛtam |
tathā tān mohanāstreṇa mohayitvā śirobhyaḥ sakāśāt tejaspadam uṣṇīṣaṁ ca hṛtam ||
Baladeva Vidyābhūṣaṇa
vaiṣṇavānandinī
uttara-go-grahe ya eva bāndhavo yasya so'ham eka eva rathena kuru-sainyāddhiṁ tatare tīrṇavān gāmbhīryād-vistīrṇatvāc-cāntapāra-śūnyam |
atāryāṇi sattvāni bhīṣma-droṇādi-rūpa-timiṅgilādīni yatra tat |
virāṭa-rājasya go-dhanaṁ mayā pratyāhṛtaṁ, pareṣāṁ mohanāstreṇa mohitānāṁ śirobhyas tejampadam uṣṇīṣaṁ ca hṛtam ||
yad-bāndhavaḥ kuru-balābdhim ananta-pārameko rathena tatare’ham atīrya-sattvam |
pratyāhṛtaṁ bahu dhanaṁ ca mayā pareṣāṁtejāspadaṁ maṇimayaṁ ca hṛtaṁ śirobhyaḥ ||
← 1.15.131.15.15 →