Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.15
← 1.15.141.15.16 →
yo bhīṣma-karṇa-guru-śalya-camūṣv adabhra-
rājanya-varya-ratha-maṇḍala-maṇḍitāsu |
agre-caro mama vibho ratha-yūthapānām
āyur manāṁsi ca dṛśā saha oja ārcchat ||
Translation
— translation pending —
Commentary
Śrīdhara Svāmī
bhāvārtha-dīpikā
adabhrā analpā ye rājanya-varyās teṣāṁ ratha-maṇḍalair maṇḍitāsu bhīṣmādīnāṁ camūṣu sārathi-rūpeṇa mamāgocaraḥ san |
he vibho ! teṣāṁ ratha-yūthapānām āyur-ādīn yo dṛśā dṛṣṭyaiva ārcchat hṛtavān |
manāṁsi ity utsāhādi-śaktim |
saha balam |
ojaḥ śastrādi-kauśalam ||
kaivalya-dīpikā : kurukṣetra-yuddhe kṛṣṇopakāraṁ smarati—yo bhīṣma iti śloka-trayeṇa |
dṛśā darśanena |
ārcchad ākṛṣṭavān |
āyur manāṁsi saha ojaś ca saha |
karmendriyāṇāṁ śaktiḥ manāṁsi trīṇy antaḥ-karaṇāni ||
[mu.pha. 13.8]
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
agre-caraḥ sārathi-rūpeṇāgre sthitaḥ san, he vibho! svācintya-prabhāveṇa āyuḥ prārabdha-karma sva-saundaryeṇa bhīṣmādīnāṁ teṣāṁ manāṁsi sva-sāmarthya-jñāpanena saho manaḥ-pāṭava-lakṣaṇaṁ yuddhotsāhaṁ teja indriya-pāṭava-lakṣaṇaṁ śastrādi-grahaṇa-sāmarthyaṁ dṛśā sva-dṛṣṭyaiva ārcchat jahāra ||
Baladeva Vidyābhūṣaṇa
vaiṣṇavānandinī
he vibho mahārāja! adabhrāṇām analpānāṁ rājanya-varyāṇāṁ ratha-maṇḍalair maṇḍitāsu bhīṣmādīnāṁ camūṣu ye mama sārathiḥ sann agresaras teṣāṁ ratha-yuthapānāṁ senāpatīnām āyūr ādīni dṛśaivārcchat jahāra, svācintya-śaktyā āyur ārabdha-karma sva-saundarṣeṇa bhīṣmādīnāṁ manāṁsi, svasāmarthya-jñāpanena saho manaḥ-pāṭava-rūpa-yuddhotsāham, ojaḥ karaṇa-pāṭava-rūpa-śastrādi-grahaṇa-sāmarthyam ||
← 1.15.141.15.16 →