Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.12
← 1.15.111.15.13 →
yat-tejasātha bhagavān yudhi śūla-pāṇir
vismāpitaḥ sa-girijo’stram adān nijaṁ me |
anye’pi cāham amunaiva kalevareṇa
prāpto mahendra-bhavane mahad-āsanārdham ||
Translation
— translation pending —
Commentary
Śrīdhara Svāmī
bhāvārtha-dīpikā
girijā-sahito vismāpitaḥ san nijaṁ pāśupatam astram |
anye’pi lokapālā nijāny astrāṇy aduḥ |
anyad apy āścaryam āha—amunā iti |
mahata indrasya āsanārdham ||
kaivalya-dīpikā : divyāstra-lābhe kṛṣṇopakāraṁ smarati śloka-dvayena—yat-tejasā iti |
anye’pi loka-pālā nijāny astrāṇy aduḥ |
ahaṁ ca mahendrasya āsanārdham prāptaḥ ||
[mu.pha. 13.5]
Jīva Gosvāmī
krama-sandarbhaḥ
yat-tejasā iti |
pūrvaval laukika-līlā-mayatvenaiva ||
Viśvanātha Cakravartī
sārārtha-darśiṇī
girijayā durgayā sahitaḥ vismāpitaḥ san nijaṁ pāśupatam astram |
anye’pi lokapālāḥ nijāstrāṇy aduḥ |
mahata indrasya āsanārdham ||
Baladeva Vidyābhūṣaṇa
vaiṣṇavānandinī
sa-girijaḥ sa-durgaḥ śūlapāṇiḥ śivo vismitaḥ san nijam astraṁ pāśupataṁ me'dāt |
anye ca lokapālā nijāny astrāṇy aduḥ, mahata indrasya āsanārdham ||
← 1.15.111.15.13 →