Śrīmad Bhāgavatam 1.13.49

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.13.49

so’yam adya mahārāja bhagavān bhūta-bhāvanaḥ |
kāla-rūpo’vatīrṇo’syām abhāvāya sura-dviṣām ||

Translation

— translation pending —

Commentary

Śrīdhara Svāmī

bhāvārtha-dīpikā

kvāsāv astīdṛśo mahā-māyāvī, dvārakāyām ity āha—so’yam iti |

asyāṁ bhūmyām |

abhavāya nāśāya ||

Jīva Gosvāmī

krama-sandarbhaḥ

so’yam adyeti |

vartamāna-sāmīpye vartamānavad vā iti nyāyena sura-dviṣām abhavāyaiva kāla-rūpaḥ |

svayaṁ tu paramānanda-rūpa evety arthaḥ ||

Viśvanātha Cakravartī

sārārtha-darśiṇī

kvāsāv astīdṛśo māyāvī ? dvārakāyām ity āha—so’yam iti |

asyāṁ bhūmau sura-dviṣām abhāvāya nāśāya kāla-rūpas tair eva kāla-rūpatvenānubhūyamānaḥ svayaṁ tu paramānanda-rūpa evety arthaḥ ||

Baladeva Vidyābhūṣaṇa

vaiṣṇavānandinī

nanv īdṛśo'sau kvāste? tatrāha–so'yam iti |

asyāṁ bhuvi suradviṣāmabhavāya vināśāyāvatīrṇaḥ, kālo rūpaṁ śaktir yasya saḥ |

taiḥ kāla-rūpatvena pratīyamānaḥ svayaṁ vijñānānanda-vapur dvāravatyām astīti ||