Śrīmad Bhāgavatam 1.13.50

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.13.50

niṣpāditaṁ deva-kṛtyam avaśeṣaṁ pratīkṣate |
tāvad yūyam avekṣadhvaṁ bhaved yāvad iheśvaraḥ ||

Translation

— translation pending —

Commentary

Śrīdhara Svāmī

bhāvārtha-dīpikā

tarhi śrī-kṛṣṇo’trāstīty atraivāsthāṁ mā kṛthā ity āha |

tac ca devānāṁ kāryaṁ tena niṣpāditam, kevalam aśeṣaṁ pratīkṣyate |

yadu-kula-kṣayam iti hṛdi-stham |

tato nijaṁ dhāma yāsyati tato yūyam api gacchatety arthaḥ |

tac ca bhūtam api viduravad eva nāvarṇayat ||

Jīva Gosvāmī

krama-sandarbhaḥ

avaśeṣaṁ bhavatām ākarṣaṇa-pūrvam iti hṛt-stham ||

Viśvanātha Cakravartī

sārārtha-darśiṇī

kevalam avaśeṣaṁ pratikṣata iti yadu-kulānām antardhāpanam iti hṛdi-stham |

tac ca bhūtam api viduravad eva nāvarṇayat |

avekṣadhvam ity asya karmāprayogād ahantāspadaṁ ca sarvam eva labhyate |

tad-antardhāne śrute sati sarvam evopekṣadhvam iti bhāvaḥ ||

Baladeva Vidyābhūṣaṇa

vaiṣṇavānandinī

avaśeṣaṁ yaduvaṁśāntardhāpanam iti hṛdgataṁ, tac ca jātam api viduravan-noktavān |

tāvad yūyam iti avaśeṣe tena niṣpādite sarvam upekṣadhvam iti bhāvaḥ ||