Śrīmad Bhāgavatam 1.13.32

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdhara + ViśvanāthaJīvaBaladeva

ŚB 1.13.32

tatra sañjayam āsīnaṁ papracchodvigna-mānasaḥ |
gāvalgaṇe kva nas tāto vṛddho hīnaś ca netrayoḥ |
ambā ca hata-putrārtā pitṛvyaḥ kva gataḥ suhṛt ||

Translation

— translation pending —

Commentary

Madhvācārya

bhāgavata-tātparyam

brahmāṇḍe—

dhṛtarāṣṭre mṛte sūtaḥ sañjayaḥ pāṇḍu-sūnave | gatiṁ śaśaṁsa kuntyāś ca gāndhārī-dhṛtarāṣṭrayoḥ ||

pitṛvyo’pi dhṛtarāṣṭra eva |

dviruktis tātparyārthā |

yatrādhikaṁ tatparatā bahu-vāram api dhruvam | tad vadanti mahā-prājño loka-vedānusārataḥ ||

Śrīdhara Svāmī + Viśvanātha Cakravartī

bhāvārtha-dīpikā

he gāvalgaṇe gavalgaṇasya putra sañjaya ||

Jīva Gosvāmī

krama-sandarbhaḥ

na vyākhyātam.

Baladeva Vidyābhūṣaṇa

vaiṣṇavānandinī

he gāvalgane ! gavalganasya putra sañjaya ! netrayor hīno netrābhyāṁ rahitaḥ |

pitṛvyo viduraḥ ||